ბათუმის ძველ ბულვარში, იქ, სადაც იასონ გორდეზიანის ძეგლი დგას, ახალი სკვერი მოეწყობა. სკვერის მოწყობაზე ნებართვა აჭარის კულტურული მემკვიდრეობის დაცვის სააგენტომ გასცა.
სკვერი მცირე ზომის იქნება. საპროექტო ტერიტორიაზე 60 კვ.მ. მოეწყობა საფეხმავლო ბილიკი, იქნება დასაჯდომი სივრცე. სკვერში უკვე დაირგო წითელ ნუსხაში შეტანილი უთხოვარის ჯიშის ხეები. სკვერი თეთრი ფერის დეკორატიული ქვიშით იქნება გაფორმებული, ასევე ღამით დეკორატიულად განათდება. დაგეგმილია 2000 ძირზე მეტი დეკორატიული მცენარისა და ერთწლოვანი ყვავილის დარგვა.
სკვერის ინფრასტრუქტურის მოსაწყობად ბულვარი 15 ათას ლარს დახარჯავს.
სამუშაოების დასრულების შემდეგ ასეთი იქნება სკვერი
მთავარი ფოტო: ბულვარში მიმდინარე სამუშაოები
