ომარ როდონაია ამჯერად თორნიკე რიჟვაძისგან ითხოვს ბინას


მოქალაქე ომარ როდონაია აჭარის მთავრობის თავმჯდომარესთან, თორნიკე რიჟვაძესთან, ან მთავრობის რომელიმე პასუხისმგებელ პირთან შეხვედრას ითხოვს. მისი მოთხოვნა საცხოვრებელი ადგილით დაკმაყოფილებაა.

„დილიდან აქ ვარ… არ წავალ, ვიდრე არ შემხვდებიან და არ მომისმენენ. იურისტი გამოვიდა, განცხადება დაწერეო. იმდენი განცხადება დავწერე, სკოლაში თემა არ დამიწერია ამდენი. არავინ კითხულობს მოქალაქეების განცხადებებს,“ – ამბობს ომარ როდონაია.

ომარ როდონაია შშმ პირია, მას შესაბამისი საცხოვრებელი პირობები სჭირდება და წლებია ბინას ითხოვს. ბინის შესახებ დაპირებებს იგი პერიოდულად იღებს, თუმცა ამ დრომდე – ამაოდ.

„სახელმწიფოს შეუძლია მისი უზრუნველყოფა საცხოვრებლით, უმწეოთა თავშერსაფრის სახით, ხოლო სამომავლოდ, იმ შემთხვევაში, თუ სახელმწიფო პროგრამა დაინერგება, რომელიც მსგავსი პროგრამის გადაწყვეტასთან იქნება დაკავშირებული, აჭარის მთავრობა ყველაფერს გააკეთებს მისი მუდმივი საცხოვრებლით უზრუნველყოფის მიზნით,“ – გვითხრეს აჭარის მთავრობის პრესცენტრში.

ომარ როდონაიას შესახებ სტატია „ბათუმელებმა“ 2015 წელს გამოაქვეყნა. სტატიას, რომელშიც აღწერილი იყო ომარ როდონაიას მძიმე საცხოვრებელი პირობები მოქალაქეების მხრიდან დიდი გამოხმაურება მოჰყვა. სწორედ მაშინ  დაუქირავეს მას ბინა  დახმარების მსურველებმა. დღემდე სწორედ ეს ადამიანები იხდიან ომარ როდონაიასთვის დაქირავებული ბინის ქირას.

ამ თემაზე:

”ისეთი შეგრძნება მაქვს, თითქოს ადამიანი აღარ ვარ”

ნეტგაზეთის მასალების სხვა გამოცემებში გადაბეჭდვის წესი
ავტორი