უკრაინულ ავიაკომპანია SkyUp Airlines-სა და „აზერბაიჯანის ავიახაზების“ [AZAL] სტრუქტურის ქვეშ დაფუძნებულ დაბალბიუჯეტიან ავიაკომპანია Buta Airways-ს ბათუმის მიმართულებით ოპერირების ნებართვები სამოქალაქო ავიაციის სააგენტოში უკვე მიანიჭეს.
უკრაინული SkyUp Airlines-ი ფრენებს კიევი-ბათუმი-კიევი 25 მაისიდან გეგმავს. ფრენები კვირაში 10 სიხშირით, Boeing B737-800 ტიპის საჰაერო ხომალდებით განხორციელდება.
რაც შეეხება, ავიაკომპანია Buta Airways-ს, კომპანია ფრენებს ბაქო-ბათუმი-ბაქო 14 ივნისიდან დაიწყებს. რეისები კვირაში 2 სიხშირით, ყოველ პარასკევს და კვირას, Embraer E190, Airbus A319 და A320 ტიპის საჰაერო ხომალდებით შესრულდება.
საქართველოს სამოქალაქო ავიაციის სააგენტოს ინფორმაციით, საუდის არაბეთის სამეფოს დაბალბიუჯეტიანი ავიაკომპანია Flynas-ს, რომელიც საქართველოს საავიაციო ბაზარზე გასულ წელს შემოვიდა, რიადი-ბათუმი-რიადის მიმართულებით იწყებს ოპერირებას.
რეგულარული რეისები 2019 წლის 2 ივნისიდან 31 აგვისტომდე, კვირაში 3 სიხშირით, ყოველ ოთხშაბათს, პარასკევსა და კვირას განხორციელდება. ფრენები Airbus A319 და A320 ტიპის საჰაერო ხომალდებით შესრულდება.
