აუტიზმის ცნობადობის ამაღლების მსოფლიო დღე – დისკუსია „წიგნები ბათუმში“


2 აპრილს, აუტიზმის ცნობადობის ამაღლების მსოფლიო დღესთან დაკავშირებით, მაღაზია „წიგნები ბათუმში“ გაიმართება შეხვედრა, რომელზე დასწრებაც ნებისმიერ მსურველს შეეძლება.

გამომცემელი მარიამ კორინთელი შეხვედრაზე ისაუბრებს ლიზა ჯენოვას წიგნის შესახებ –  „სიყვარულით, ენტონი”. წიგნი აუტისტური სპექტრის აშლილობის მქონე ბიჭისა და მისი გარშემომყოფების შესახებ მოგვითხრობს.

ექიმი-რეაბილიტოლოგი ნესტან შაშიკაძე ისაუბრებს, აუტისტური სპექტრის აშლილობის რაობაზე, მითებზე, სტერეოტიპებზე, სერვისებსა და საზოგადოების დამოკიდებულებაზე.

ბათუმის მე-13 საჯარო სკოლის პედაგოგ – ფსიქოლოგი სოფო ზოიძე კი, აუდიტორიას თავის გამოცდილებას გაუზიარებს ინკლუზიური განათლების სპეციფიკაზე აუტისტური სპექტრის აშლილობის მქონე ბავშვებისთვის.

შეხვედრა 19:00 საათზე დაიწყება.

2007 წლის 18 დეკემბერს, გაერო, აუტიზმის ცნობადობის ამაღლების მსოფლიო დღედ 2 აპრილი გამოაცხადა. აუტიზმის მსოფლიო დღის აღნიშვნის მიზანია, გაზარდოს საზოგადოების ცნობიერების დონე აუტიზმთან დაკავშირებით. ასევე ხელი შეუწყოს აუტისტური სპექტრის აშლილობის მქონე ადამიანების ფუნდამენტური უფლებების დაცვასა და რეალიზაციას.

ნეტგაზეთის მასალების სხვა გამოცემებში გადაბეჭდვის წესი
ავტორი