მთავარი,სიახლეები

„ძველი ბათუმი საფრთხეშია“ – ბათუმში პრემიერსა და პრეზიდენტს პროკლამაციები გადააყარეს

27.03.2019 • 3795
„ძველი ბათუმი საფრთხეშია“ – ბათუმში პრემიერსა და პრეზიდენტს პროკლამაციები გადააყარეს

დღეს, 27 მარტს, ბათუმის დრამატული თეატრის რეაბილიტირებული შენობის გახსნაზე მოსულ საქართველოს პრემიერ-მინისტრს, მამუკა ბახტაძესა და პრეზიდენტ სალომე ზურაბიშვილს სპექტაკლის დასრულების შემდეგ პროკლამაციები გადააყარეს.

„ამხანაგებო! ძველი ბათუმი საფრთხეშია! ვერაგი მთავრობა თავისი ცემენტიანი ხელებით ეპოტინება ბათუმს, მაგრამ ჩვენ არ დავთმობთ ჩვენს ქალაქს! ქუდზე კაცი და კოლგოტზე ქალი ძველი ბათუმის დასაცავად“ – ეწერა პროკლამაციაში.

პროკლამაცია

აქცია-პერფორმანსის ავტორი ბათუმელი სტუდენტი, სამოქალაქო აქტივისტი მარი მუთიძეა.

„პროტესტი მიზანი იყო, რომ კიდევ ერთხელ მიგვეტანა მთავრობამდე ის პრობლემა, რაც ჩვენს ქალაქში ძალიან მნიშვნელოვანია“ – ამბობს მარი.

სპექტაკლის დასრულების შემდეგ ჟურნალისტებთან ამ თემაზე კომენტარი გააკეთა მარიამ ჯაშმა, საქართველოს პარლამენტის განათლების კომიტეტის თავმჯდომარემ.

„ჩვენ ვიხილეთ ძალიან საინტერესო საპროტესტო აქცია სპექტაკლის დასრულების შემდეგ და მე ვფიქრობ, ბათუმი აგრძელებს ინოვაციურ მიდგომებს. სიტყვის თავისუფლების თვალსაზრისით არის აუცილებლად გასათვალისწინებელი ჩვენი საზოგადოების თითოეული წევრის მოსაზრება“ – განაცხადა მან.

ამავე თემაზე: 

ვინ და რატომ იცავს ბათუმს

 

გადაბეჭდვის წესი


ასევე: