ბათუმის მერიის ცნობით, 12 მარტიდან ბათუმში სატრანსპორტო მოძრაობა გადაიკეტება ტბელ აბუსერიძის ქუჩის მარჯვენა ზოლში.
„ლორიასა და გრიბოედოვის ქუჩებს შორის არსებულ მონაკვეთში ხორციელდება წყალარინების A კოლექტორის სარეაბილიტაციო სამუშაოები, რომლის ფარგლებშიც 1200 მმ-იანი თვითდენითი კოლექტორის მოწყობა 8 მეტრის სიღრმეზე მიმდინარეობს.
სამუშაოები ბათუმის მუნიციპალური ინფრასტრუქტურის რეაბილიტაციის პროექტის ფარგლებში ხორციელდება და 3 თვის განმავლობაში გაგრძელდება.
სამუშაოების დასრულებამდე სატრანსპორტო მოძრაობა აბუსერიძის ქუჩის მეორე ზოლში ორმხრივად იქნება შესაძლებელი,“ – აღნიშნულია მერიის განცხადებაში.
