ამხანაგობა „ინჟარქიტექტი“ აჭარის ფინანსთა და ეკონომიკის სამინისტროს „ოცნების ქალაქში“ მცხოვრებთათვის ახალი საცხოვრებელი კომპლექსის პროექტირებას 320 001 ლარად სთავაზობს.
მეჯინისწყლის დასახლებაში მდებარე მიწის ნაკვეთზე მრავალბინიანი საცხოვრებელი კომპლექსის მშენებლობისათვის სამშენებლო დოკუმენტის პროექტისა და სახარჯთაღრიცხვო დოკუმენტაციის დამუშავებაზე ტენდერი აჭარის სამინისტრომ 2019 წლის 21 თებერვალს გამოაცხადა. სატენდერო თანხა 400 ათასი ლარი იყო. წინადადებების მიღება დღეს, 4 მარტს შეწყდა.
ვინაიდან ელექტრონული ტენდერი აუქციონის გარეშე იყო გამოცხადებული, ამ ეტაპზე შესყიდვების გვერდზე მხოლოდ ის კომპანია ჩანს, რომელმაც მომსახურება სამინისტროს ყველაზე დაბალ ფასად შესთავაზა.
თუ ამხანაგობა „ინჟარქიტექტი“ საბოლოოდ ვერ დააკმაყოფილებს ტენდერის მოთხოვნებს, სატენდერო კომისია მომდევნო, დაბალი ფასის მქონე პრეტენდენტის წინადადებას განიხილავს. თუ ასეთი არ იქნება, ტენდერი ხელახლა გამოცხადდება.
„ინჟარქიტექტი“, როგორც შესყიდვების გვერდზეა აღნიშნული, თბილისში რეგისტრირებული ამხანაგობაა.
ამ თემაზე:
ბინები „ოცნების ქალაქში“ მცხოვრები ოჯახებისთვის – განცხადებების მიღება დაიწყო
კომისია: ოცნების ქალაქში რეგისტრირებული ოჯახების ნაწილს აღმოაჩნდა საკუთრება
