2 მარტის საღამოს ბათუმის რესპუბლიკური საავადმყოფოს ეზოში მომხდარ ფაქტთან დაკავშირებით შსს-ს ცნობით 5 ადამიანია დაკავებული. ინციდენტი პაციენტის მნახველებს შორის მოხდა, რის შედაგადაც ორი ადამიანი დაიჭრა, ხუთს კი სხვადასხვა სახის დაზიანება მიაყენეს.
საქმე სისხლის სამართლის კოდექსის 236-ე, 239-ე და 117-ე მუხლებითაა აღძრული. დანაშაული 4-დან 7 წლამდე ვადით თავისუფლების აღკვეთას ითვალისწინებს.
„ბათუმელების“ ინფორმაციით, ამ ჯგუფს შორის კონფლიქტი პირველ მარტს დაიწყო. კონფლიქტის შედეგად ერთ-ერთი ნაცემი პირი ბათუმის რესპუბლიკურ საავადმყოფოში მიიყვანეს თავის ტვინის შერყევით. 2 მარტის საღამოს კი სწორედ ამ პაციენტის მნახველებს შორის დაიწყო ახალი კონფლიქტი, რის შედეგადაც ერთი ქალი და ერთი მამაკაცი დაიჭრა. ექიმების ცნობით, დაჭრილი პაციენტების სიცოცხლეს საფრთხე არ ემუქრება. ისინი საავადმყოფოში რჩებიან.
ამავე თემაზე:
