ხულოში, შუახევსა და ქედაში გადამხდელებს მოძრავი სერვისცენტრი მოემსახურება

5, 6 და 7 მარტს, თითო დღით, ხულოში, შუახევსა და ქედაში გადასახადის გადამხდელებს შემოსავლების სამსახურის მოძრავი სერვისცენტრი – RS CAR მოემსახურება.

მოძრავი სერვისცენტრის მომსახურებით, 10:00 საათიდან 17:00 საათამდე, შეგიძლიათ ისარგებლოთ შემდეგ ლოკაციებზე:

ხულო – 5 მარტი – გამგეობის შენობის წინ;

შუახევი – 6 მარტი – გამგეობის შენობის მიმდებარე ტერიტორია;

ქედა – 7 მარტი – დაბის ცენტრი.

ფინანსთა სამინისტროს შემოსავლების სამსახურის ინფორმაციით მოძრავი სერვისცენტრი – RS CAR – გადასახადის გადამხდელებს 4 – 27 მარტს, 34 ლოკაციაზე, იმ რეგიონებში მოემსახურება, სადაც შემოსავლების სამსახურის სერვისცენტრები არ არის განთავსებული.