Batumelebi | კმდს-ს ხელმძღვანელი ბათუმის ძველი სინაგოგის შესაძლო დანგრევაზე კმდს-ს ხელმძღვანელი ბათუმის ძველი სინაგოგის შესაძლო დანგრევაზე – Batumelebi
RU | GE  

კმდს-ს ხელმძღვანელი ბათუმის ძველი სინაგოგის შესაძლო დანგრევაზე

აჭარის კულტურული მემკვიდრეობის დაცვის სააგენტოს უფროსის, ზაურ ახვლედიანის განცხადებით, თუკი ვინმეს ექნება სურვილი ბათუმის ძველი სინაგოგა ძველი ფორმით აღდგეს, სააგენტო მათ არქიტექტურულ პროექტს შეუსყიდის.

“თუკი საქართველოს ებრაელთა კავშირს ან სხვას ექნება შენობის იგივე ფორმატში რესტავრაციის სურვილი, ჩვენ მზად ვართ, ისევე როგორც სხვა ეკლესიების შემთხვევაში, ვიყიდოთ პროექტი. დაფინანსების არსებობის შემთხვევაში სააგენტო მზადაა გამოაცხადოს ტენდერი რესტავრაციაზე,” – აცხადებს ზაურ ახვლედიანი.

სააგენტოს ხელმძღვანელის თქმით, ის არ ფლობს ინფორმაციას იმის შესახებ, თუ რა გეგმები აქვს  საქართველოს ებრაელთა კავშირს საკულტო ძეგლთან დაკავშირებით.

„გავიგე სოციალური ქსელებიდან და არ მაქვს არანაირი ინფორმაცია. სინაგოგა არის საკულტო ნაგებობა და ნებართვის გაცემაც და სხვა პროცედურებიც არის ეროვნული სააგენტოს პრეროგატივა,” – ამბობს ზაურ ახვლედიანი.

დღეს, 27 თებერვალს, ცნობილი გახდა, რომ ბათუმის ძველი სინაგოგის ადგილას ებრაული ცენტრის აშენება იგეგმება. შენობა საკულტო ნაგებობაა და საქართველოს კულტურული მემკვიდრეობის დაცვის ეროვნული სააგენტოს დაცვის ქვეშაა. ძეგლზე რაიმე ფორმით ჩარევაზე ნებართვა სწორედ ამ სააგენტომ უნდა გასცეს.

ბათუმში ისტორიული სინაგოგის ნაცვლად ებრაული ცენტრის აშენებას გეგმავენ

ნეტგაზეთის მასალების სხვა გამოცემებში გადაბეჭდვის წესი
ავტორი