![ბათუმში კულტურული მემკვიდრეობის ძეგლი ინგრევა [ფოტო]](https://batumelebi.netgazeti.ge/wp-content/uploads/2017/05/116-e1496065106617.jpg "ბათუმში კულტურული მემკვიდრეობის ძეგლი ინგრევა [ფოტო]")
ბათუმში, ცხრა მარტის ქუჩაზე, მდებარე სინაგოგა ინგრევა.
შენობა კულტურული მემკვიდრეობის ძეგლია, სახელმწიფოს ბალანსზეა და მას არავინ უვლის.
კულტურული მემკვიდრეობის სააგენტოში განმარტეს, რომ ძეგლის მოვლა-პატრონობა მესაკუთრის მოვალეობაა.
რეესტრის მონაცემების მიხედვით, სინაგოგა სახელმწიფო ქონების ეროვნული სააგენტოს ბალანსზეა.
ფოტო: ცაგო კახაბერიძე
შენობა XIX-XX სს-ის მიჯნაზეა აშენებული და მას კულტურული მემკვიდრეობის ძეგლის სტატუსი 2015 წელს მიენიჭა.
შენობა 2015 წელს მას შემდეგ ჩამოინგრა, რაც გვერდით „გუმბათი ჯგუფმა“ თურქული კომპანიის „ინშაათის“ დაკვეთით მაღალსართულიანი კორპუსის მშენებლობა წამოიწყო.
