Batumelebi | ფალსიფიცირებული გუფთა და ხინკალი – ბათუმში ორი კომპანიის ხელმძღვანელი პასუხისგებაში მისცეს ფალსიფიცირებული გუფთა და ხინკალი – ბათუმში ორი კომპანიის ხელმძღვანელი პასუხისგებაში მისცეს – Batumelebi
RU | GE  

ფალსიფიცირებული გუფთა და ხინკალი – ბათუმში ორი კომპანიის ხელმძღვანელი პასუხისგებაში მისცეს

საქართველოს ფინანსთა სამინისტროს საგამოძიებო სამსახურის ცნობით, ბათუმში ხორცის ნახევარფაბრიკატების ფალსიფიკაციის ორი ფაქტი გამოვლინდა და  ორი კომპანიის ხელმძღვანელი პასუხისგებაში მისცეს.

„გამოძიებით დადგინდა, რომ ბრალდებულები ქალაქ ბათუმში მდებარე ხორცის ნახევარფაბრიკატების საწარმოებში, ფალსიფიცირებულ – თვისობრიობა შეცვლილ ხორცპროდუქტებს (კოტლეტი, გუფთა, ხინკალი) აწარმოებდნენ.

ექსპერტიზის დასკვნის თანახმად,  პროდუქტების შემადგენლობა არ შეესაბამებოდა ეტიკეტზე მითითებულ მონაცემებს – მზა პროდუქტში დაბალი იყო ცხიმის, ცილის და ფარშის მასური წილის შემცველობა, ასევე ენერგეტიკული ღირებულება“ – აღნიშნულია საგამოძიებო სამსახურის მიერ გავრცელებულ ინფორმაციაში.

დანაშაულისათვის, საქართველოს სისხლის სამართლის კოდექსის 197-ე მუხლის პირველი ნაწილი სასჯელის სახით ითვალისწინებს თავისუფლების აღკვეთას 1-დან 3 წლამდე ვადით.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.