„სოკარ ჯორჯია გაზის“ ინფორმაციით ხელვაჩაურში ბუნებრივი აირის მიწოდება დღეს, 5 თებერვალს, 3:00 საათიდან, ეტაპობრივად აღდგება. გაზის მოწოდება ხელვაჩაურის რამდენიმე უბანში გუშინ, 4 თებერვალს, 7:00 საათზე, ავტოავარიის გამო, შეწყდა: „ მანქანა დაეჯახა გაზის მილს“
დღეს, 13:00-დან საღამოს 18:00 საათამდე, გაზსადენზე დაგეგმილი სარემონტო-საექსპლუატაციო სამუშაოების გამო ბუნებრივი აირის მიწოდება შეუწყდებათ ქობულეთის მუნიციპალიტეტში გელაურში, ხუცუბანში, ქვედა სამებასა და ნაკაიძეებში მცხოვრებ აბონენტებს.
კომპანია „სოკარ ჯორჯია გაზი” მომხმარებელს მოუწოდებს, დაკეტილ მდგომარეობაში იქონიონ საცხოვრებელ ბინებში არსებული გაზის ონკანები და უყურადღებოდ არ დატოვონ გაზის დანადგარები.
დამატებითი ინფორმაციისთვის აბონენტებს შეუძლიათ დარეკონ „სოკარ ჯორჯია გაზის“ ცხელ ხაზზე: 16 114
