Batumelebi | 5 მილიონი ლარი სულხან-საბა ორბელიანის ქუჩის სარეაბილიტაციოდ – ტენდერი 5 მილიონი ლარი სულხან-საბა ორბელიანის ქუჩის სარეაბილიტაციოდ – ტენდერი – Batumelebi
RU | GE  

5 მილიონი ლარი სულხან-საბა ორბელიანის ქუჩის სარეაბილიტაციოდ – ტენდერი

ბათუმში, სულხან-საბა ორბელიანის ქუჩის კეთილმოსაწყობად ქალაქის ბიუჯეტში 5 085 398 ლარია გათვალისწინებული. ამ თანხაში შედის, როგორც ორბელიანის ქუჩის მოწესრიგება მთლიანად [გენერალ აბაშიძის ქუჩიდან მელიქიშვილის ქუჩამდე], ასევე ლერმონტოვის ქუჩის გაგრძელებაზე [გენერალ აბაშიძის ქუჩამდე, ხორც-კომბინატის მიმდებარედ] არსებული სანიაღვრე არხის მოწყობაც.

აღნიშნული სამუშაოების ერთიანად შესყიდვაზე ბათუმის საქალაქო ინფრასტრუქტურისა და კეთილმოწყობის სამმართველომ ელექტრონული ტენდერი აუქციონის გარეშე გამოაცხადა. წინადადებების მიღება 2019 წლის 6 თებერვალს დაიწყება და 11 თებერვალს დასრულდება.

სამუშაოები სრულად უნდა შესრულდეს 450 დღის განმავლობაში მას შემდეგ, რაც ტენდერში გამარჯვებულთან გაფორმდება შესაბამისი  ხელშეკრულება. ტენდერში გამარჯვებულს, აუცილებლობის შემთხვევაში, უნდა შეეძლოს სამუშაოების დაწყება ერთდროულად ორივე ობიექტზე შემსყიდველის მხრიდან წერილობითი შეტყობინების მიღებიდან.

ჭაობის დასახლებაში ქუჩების კეთილმოსაწყობად რამდენიმე ტენდერია გამოცხადებული, სატენდერო თანხით – 8 385 492 ლარი და 6 471 900 ლარი. კიდევ ერთი ტენდერი, სავარაუდო ღირებულებით 6 587 866 ლარი კი, სასამართლომ შეაჩერა.

სულხან-საბა ორბელიანის ქუჩა [წითელი ხაზი] რომელიც უნდა კეთილმოეწყოს და ლერმონტოვის ქუჩის გაგრძელება [წყვეტილი ხაზი], სადაც სანიაღვრე არხი მოეწყობა

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com