ხულოს მუნიციპალიტეტში საავტომობილო გზის „გოდერძის უღელტეხილი-მწვანე ტბა-დიდაჭარის იაილა“ დარჩენილი მონაკვეთის რეაბილიტაცია იგეგმება. ტენდერი [მეორე ეტაპის] სამუშაოების შესყიდვაზე აჭარის ფინანსთა და ეკონომიკის სამინისტროს საქვეუწყებო დაწესებულება საავტომობილო გზებისა და სამელიორაციო სისტემების მართვის დეპარტამენტმა გამოაცხადა.
დაახლოებით 4-კილომეტრიანი მონაკვეთის სარეაბილიტაციო სამუშაოების შესყიდვის სავარაუდო ღირებულება 3 864 870 ლარია.
სამუშაოს შესრულების ვადაა 120 კალენდარული დღე სამუშაოს დაწყებიდან. მიმწოდებელი ვალდებულია სამუშაოები დაიწყოს არაუგვიანეს 2019 წლის 20 მაისისა. თუმცა, ხელსაყრელი კლიმატური პირობების არსებობის შემთხვევაში შეუძლია სამუშაოები დაიწყოს 2019 წლის 20 მაისამდე პერიოდშიც.
ტენდერში წინადადებების მიღება 2019 წლის 2 თებერვალს დაიწყება და 7 თებერვალს დასრულდება.
დეპარტამენტის ინფორმაციით, გოდერძის უღელტეხილი-მწვანე ტბა-დიდაჭარის იაილას გზის [კმ0+000-კმ3+250 მონაკვეთზე] რეაბილიტაციის პირველი ეტაპი 2018 წელს დასრულდა, რისთვისაც 2 549 987 ლარი დაიხარჯა.
ამ თემაზე:
![კურორტ გოდერძიზე თოვს [ფოტო]](https://batumelebi.netgazeti.ge/wp-content/uploads/2024/10/goderdzi.jpg)
