ბათუმში ტურისტებისთვის 22 299 საწოლია ოფიციალურად რეგისტრირებული


ოფიციალური მონაცემების მიხედვით, 2018 წელს ბათუმში 387 განთავსების ობიექტი (სასტუმრო, ჰოსტელი) იყო რეგისტრირებული, რომლებსაც ერთდროულად 22 299 სტუმრის მიღება შეეძლოთ. ამაში არ შედის airbnb.com-ზე დარეგისტრირებული ბინები და ის ბინები, რომელთა  მეპატრონეებიც დღიურად, ინტერნეტის დახმარების გარეშე აქირავებენ ოთახებს.

განთავსების ობიექტებისა და საწოლი ადგილების რაოდენობა  წლების მიხედვით ასე იზრდებოდა:

  • 2015 წელი – 325 განთავსების ობიექტი; 15 426 ადგილი
  • 2016 წელი – 348 განთავსების ობიექტი; 18 277 ადგილი
  • 2017 წელი – 379 განთავსების  ობიექტი; 21 602 ადგილი
  • 2018 წელი – 387  განთავსების  ობიექტი; 22 299 ადგილი

აჭარის ტურიზმისა და კურორტების დეპარტამენტის მიერ გამოქვეყნებული სტატისტიკით 2018 წელს იანვრიდან ნოემბრამდე აჭარას 1 830 888 საერთაშორისო ვიზიტორი ეწვია, რაც, როგორც დეპარტამენტში ამბობენ, 16 %-ით მეტია 2017 წელს ანალოგიურ პერიოდში შემოსული ტურისტების რაოდენობაზე.

ნეტგაზეთის მასალების სხვა გამოცემებში გადაბეჭდვის წესი
ავტორი