სარფის საბაჟო

შემოსავლების სამსახური: მოქალაქეს არადეკლარირებული ოქრო მალულად გადაჰქონდა


ფინანსთა სამინისტროს შემოსავლების სამსახურის ცნობით, სარფის საბაჟო გამშვებ პუნქტში, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, აზერბაიჯანის მოქალაქის ფიზიკური დათვალიერების შედეგად, 6 198.99 ლარის ღირებულების არადეკლარირებული ოქროს ნაკეთობები (საერთო წონა 100 გრამი) გამოავლინეს.

შემოსავლების სამსახურის ცნობით, „აღნიშნული საქონელი, კანონდამრღვევ მოქალაქეს, სხეულზე, სპეციალურად მოწყობილ სამალავში ჰქონდა განთავსებული“.

უწყების ცნობით, საქმეთა მასალები შემდგომი რეაგირებისთვის შინაგან საქმეთა სამინისტროს გადაეცა.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.