Batumelebi | ქობულეთის ღვინის სახლსა და სადემონსტრაციო ნაკვეთს აჭარის მთავრობა გაასხვისებს ქობულეთის ღვინის სახლსა და სადემონსტრაციო ნაკვეთს აჭარის მთავრობა გაასხვისებს – Batumelebi

ქობულეთის ღვინის სახლსა და სადემონსტრაციო ნაკვეთს აჭარის მთავრობა გაასხვისებს

აჭარის მთავრობა ა(ა)აიპ აგროსერვისცენტრის სარგებლობაში არსებული ღვინის სახლის, ვაზისა და ხილის სადემონსტრაციო ნაკვეთების გრძელვადიანი, პირობიანი იჯარით გაცემას გეგმავს.

ფოტო: ა(ა)იპ – აგროსერვისცენტრი

ამის შესახებ დღეს, 30 ნოემბერს, მთავრობის სხდომის შემდეგ სოფლის მეურნეობის მინისტრმა, ტიტე აროშიძემ ისაუბრა.

სოფლის მეურნეობის მინისტრის, ტიტე აროშიძის ინფორმაციით, ღვინის სახლისა და სადემონსტრაციო ნაკვეთების შესყიდვით რამდენიმე  ტურისტული ობიექტია დაინტერესებული, ამიტომაც სამინისტრო ამ ქონების აუქციონზე გადატანას გეგმავს. სამინისტრომ დღეს შესაბამისი აუქციონის გამოსაცხადებლად მთავრობისგან თანხმობა ითხოვა.

მინისტრი კონკრეტულ წინადადებასა და ფასზე, ჯერჯერობით, არ საუბრობს.

ეს ინფორმაცია დღეს მთავრობამ ქედაში ერთ-ერთ ღვინის სახლში გაახმოვანა, სადაც, დღეს, 30 ნოემბერს გასვლითი სხდომა გამართეს.

ფოტო: ა(ა)იპ – აგროსერვისცენტრი

ნეტგაზეთის მასალების სხვა გამოცემებში გადაბეჭდვის წესი
ავტორი