„კრიპტომატი“ (Cryptomat) – კრიპტოვალუტების ორმხრივი ბანკომატების ოპერატორი კომპანია მომხმარებელს სიახლეს სთავაზობს.
ამიერიდან, 3000 ლარამდე თანხის განაღდება, მომხმარებლებს სწრაფად, ყოველგვარი მოცდის გარეშე: ე.წ. Redemption Code-ისა და ბლოკჩეინის ქსელში დადასტურების გარეშე, ტრანზაქციის დასრულებისთანავე შეეძლებათ.
შეგახსენებთ, რომ „კრიპტომატი“ კრიპტოვალუტებით დაინტერესებულ ნებისმიერ პირს კრიპტოვალუტების – ბიტკოინის (BTC) ლაითკოინის (LTC), ბიტკოინ ქეშისა (BCH) და ეთერიუმის (ETH) ლარში ყიდვისა და გაყიდვის შესაძლებლობას აძლევს.
კომპანია ქართულ ბაზარზე 7 თვის წინ გამოჩნდა და დღეის მდგომარეობით თბილისში 5, ხოლო რეგიონებში – თელავი, ქუთისი, ბათუმი – 3 აპარატს ფლობს.
კრიპტომატმა ბათუმში ოპერირება 1 თვის წინ დაიწყო და მისით სარგებლობა დაინტერესებულ პირებს სასტუმრო „კოლიზეუმი მარინა“-ში – შერიფ ხიმშიაშვილის 16-ში შეუძლიათ.
კომპანიაში აცხადებენ, რომ ზრდის პარალელურად მომხმარებელს სხვა სიახლეებსაც შესთავაზებენ.
იგივე თემაზე: „კრიპტომატი“ – სიახლე ბათუმში
