Batumelebi | არქიტექტორ კირაკოსიანის სახლზე მემორიალურ დაფას ოჯახი თავისი სახსრებით განათავსებს არქიტექტორ კირაკოსიანის სახლზე მემორიალურ დაფას ოჯახი თავისი სახსრებით განათავსებს – Batumelebi
RU | GE  

არქიტექტორ კირაკოსიანის სახლზე მემორიალურ დაფას ოჯახი თავისი სახსრებით განათავსებს

ბათუმის საკრებულოს 31 ოქტომბრის გადაწყვეტილებით, ბათუმში, თავდადებულისა და რუსთაველის ქუჩების კვეთაში არსებულ სახლზე, რომელიც კულტურული მემკვიდრეობის ძეგლია, არქიტექტორ ბოგდან კირაკოსიანის მემორიალური დაფა განთავსდება.

საკითხი წინა საკრებულოს ხდომაზეც იყო გამოტანილი, თუმცა კენჭი არ უყარეს, მიზეზად შენობის ძეგლის სტატუსი დასახელდა, „ნებართვის მიღება იყო საჭირო“.

სხდომაზე ითქვა, რომ სახლზე მემორიალურ დაფას საკუთარი სახსრებით კირაკოსიანის ოჯახი განათავსებს, მერიის კეთილმოწყობის სამსახურთან შეთანხმებით.

ბოგდან კირაკოსიანი იყო ბათუმის არქიტექტურული დაგეგმარების განყოფილების უფროსი, ასევე ხელმძღვანელობდა საქართველოს არქიტექტორთა კავშირის აჭარის ორგანიზაციის შემოქმედებით საპროექტო სახელოსნოს.

მისი აშენებული ნაგებობებიდან ბათუმში გამორჩეულია ბულვარის კოლონადები. როგორც სამუშაოთა მწარმოებელი, ისე მონაწილეობდა ის ამ პროექტში. კახა ჯავახიშვილთან ერთად ის მუშაობდა საზაფხულო თეატრსა და რესტორან „მახინჯაურზე“ – ითქვა საკრებულოს სხდომაზე და აქვე აღინიშნა, რომ კირაკოსიანი ბათუმის ცირკის რეკონსტრუქციის პროექტის ავტორია.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com