მთავარი,სიახლეები

მობილიზებული ჯგუფების აქტიურობა შარაბიძეებში, ორ საარჩევნო უბანთან

28.10.2018 • 1316
მობილიზებული ჯგუფების აქტიურობა შარაბიძეებში, ორ საარჩევნო უბანთან

შარაბიძეებში, #87 და #94 საარჩევნო უბნებთან მობილიზებული ჯგუფების აქტიურობა შეინიშნება.

„ბათუმელებს“ წყარომ მიაწოდა ინფორმაცია, რომ საარჩევნო უბანთან ახლოს მდგარ შენობაში, ხელისუფლების მხარდამჭერებს აღებული აქვთ ოთახი, სადაც ამომრჩევლებს, რომელთაც წინასწარ შეთანხმებული კანდიდატი შემოხაზეს, ფულს უხდიან.

ადგილზე მყოფმა „ბათუმელების“ ჟურნალისტმა ინფორმაციის გადამოწმება სცადა, თუმცა მას ამის საშუალება არ მიეცა – შენობასთან მიახლოებისას მას უცნობმა მამაკაცმა უთხრა, რომ „არასწორად იქცეოდა“ და „აქედან უნდა წასულიყო“.

#87 და #94 საარჩევნო უბნებთან ადგილზე მისული ამომრჩევლის ორმაგი აღრიცხვა მიმდინარეობს. საარჩევნო უბნებში დამკვირვებლის სტატუსით მყოფი საარჩევნო სუბიექტების წარმომადგენლები ინიშნავენ მომხრეთა აქტივობას გვარის გასწვრივ აღნიშვნით, ხოლო უბნებს გარეთ კოორდინატორები აქტიურობენ.

გადაბეჭდვის წესი


ასევე: