მთავარი,სიახლეები

საია: კენჭისყრის შენობის გარეთ აგიტაციის რამდენიმე შემთხვევა დაფიქსირდა

28.10.2018 • 1472
საია: კენჭისყრის შენობის გარეთ აგიტაციის რამდენიმე შემთხვევა დაფიქსირდა

“მთელი დღე აქ ვაპირებ ყოფნას,”- ამბობს ოზურგეთელი პეტრო სავეტია. იგი ოზურგეთის მესამე საარჩევნო უბანზე სალომე ზურაბიშვილის მხარდამჭერი მაისურით და პლაკატით მივიდა.

“უბნის გარეთ ვარ და წესრიგს არ ვარღვევ, ამის უფლება მაქვს… ხმა ჯერ არ მიმიცია. თუ არ შემიშვებენ, გამოვიცვლი მაისურს”,- გვითხრა პეტრო სავეტიამ.

“ტერიტორიას არ ვაკონტროლებ მე. კომისია პასუხისმგებელია უბნის შიგნით სიტუაციაზე. ამას შესაბამისმა ორგანოებმა უნდა მიხედონ. უბანზე საჩივარი არ დაწერილა,”- აღნიშნა ჩვენთან საუბრის დროს ოზურგეთის მესამე უბნის თავმჯდომარემ, რეზო გაბედავამ.

ოზურგეთის მესამე საუბნო კომისიას ამ დრომდე არავისთვის მიუმართავს.

არის თუ არა ეს შემთხვევა ამომრჩევლის ნებაზე გავლენის მოხდენის მცდელობა? – ირმა პავლიაშვილი, ახალგაზრდა იურისტთა ასოციაციის აღმასრულებელი დირექტორი ამბობს, რომ ეს აგიტაციაა, რომელსაც კანონი კენჭისყრის შენობის გარეთ არ კრძალავს.

“რამდენიმე ასეთი შემთხვევა დაფიქსირდა. ჩვენ დავაკვირდებით, ექნება თუ არა ადგილი ამავე უბნებზე ამომრჩევლის მობილიზებას და ამომრჩევლის ნებაზე კონტროლის განხორციელებას,”- გვითხრა ირმა პავლიაშვილმა.

საია-ში ასევე განმარტავენ, რომ დაკვირვების შედეგად შესაძლებელია აგიტაციის კუთხით საკანონმდებლო ცვლილების საჭიროება გამოიკვეთოს.

 

გადაბეჭდვის წესი


ასევე: