„ნაციონალური მოძრაობის“ განცხადებით, ბათუმში, #9 საარჩევნო უბანზე, გარე პერიმეტრზე მიმდინარეობდა ფულის დარიგების პროცესი.
„მაჟორიტარი დეპუტატი ნაკაიძე არის აქ. ფულს არიგებდნენ, ხუთ-ხუთ ლარს გვირიგებსო, ამბობენ. ჰონდას მარკის მანქანა დგას საარჩევნო უბანთან და ახლაც აქაა, არ მიდის“ – უთხრა „ბათუმელებს“ ლევან ანთაძემ, „ერთიანი ნაციონალური მოძრაობის“ წევრმა.
ენმ-ის განცხადებით, იგივე ხდება ბათუმის #58 უბანზე.
„უბანთან მარშუკტკა დგას და შედიან შიგ, ხელს აწერენ და გამოდიან. პირადად მე არ დამინახავს, მაგრამ როგორც ვიცით, ფულს ანაწილებენ. როცა ჩვენი დამკვირვებელი მივიდა გადასაღებად, ცემით დაემუქრნენ და გამოვიდა“ – გვითხრა ზაურ კომახიძემ, ენმ-ის წარმომადგენელმა უბანზე.
„ბათუმელები“ დეტალებს აზუსტებს.
