ბათუმში, ახალსოფლის ხიდთან მოსახლეობამ მაგისტრალი გადაკეტა. ისინი საპატრულო პოლიციის მოქმედებას აპროტესტებენ.
“სახლში ბრუნდებოდა ახალგაზრდა კაცი ავტომანქანით და პატრულმა გააჩერა გადამოწმების მიზნით. მოქალაქე ითხოვდა, სახლში მივალ, წამალს დავლევ და გამოვალო, რაზეც პატრულმა უარი უთხრა… ადამიანი ცუდად გახდა და გარდაიცვალა ადგილზე”- უთხრა “ბათუმელებს” ახალსოფელში მცხოვრებმა გოჩა სურგულაძემ.
მისივე თქმით, მოსახლეობა სპონტანურად შეიკრიბა.
ადგილზე მობილიზებულია საპატრულო პოლიცია, თუმცა მაგისტრალი ამ დრომდე ჩაკეტილია ორივე მიმართულებით.
სასწრაფო-სამედიცინო სამსახურის ინფორმაციით, ადგილზე მისულ ექიმებს მამაკაცი უკვე გარდაცვლილი დახვდათ. თუმცა ოჯახის მოთხოვნით იგი რეფერალურ ჰოსპიტალში გადაასვენეს.
ამავე თემაზე: შსს ახალსოფელში მძღოლის გარდაცვალებაზე: ფაქტის შესწავლა გენერალურმა ინსპექციამ დაიწყო
