Batumelebi | 80 ტონა თევზი წელიწადში – დელფინარიუმის ბინადართა კვების რაციონი 80 ტონა თევზი წელიწადში – დელფინარიუმის ბინადართა კვების რაციონი – Batumelebi
RU | GE  

80 ტონა თევზი წელიწადში – დელფინარიუმის ბინადართა კვების რაციონი

შავი ზღვის ფლორისა და ფაუნის შემსწავლელი სამეცნიერო-კვლევითი ცენტრის ინფორმაციით, ბათუმის დელფინარიუმის ბინადარი ზღვის ძუძუმწოვრებისთვის 2018 წელს, მთლიანობაში, 80 ტონა კარგი ხარისხის სხვადასხვა სახეობის თევზია საჭირო.

ყოველდღიურად დელფინებსა და ზღვის ლომებს, არსებული რაციონის მიხედვით, 200 კილოგრამამდე ცხიმიანი და ნაკლებ ცხიმიანი სხვადასხვა დასახელების თევზი სჭირდებათ. „აუცილებელია რაციონში ჩართული იყოს კალმარი და გვქონდეს თევზის დიდი ასორტიმენტი,“ – აღნიშნულია ზღვის ძუძუმწოვართა 2018 წლის რაციონში:

კვების რაციონი 2018 წლისთვის ბათუმის დელფინარიუმის დელფინებისა და ზღვის ლომებისთვიოს / რაციონი 2017 წლის დეკემბერში დამტკიცდა

შავი ზღვის ფლორისა და ფაუნის შემსწავლელი სამეცნიერო-კვლევითი ცენტრის მიერ 10 ტონა თევზის შესყიდვაზე გამოცხადებულ ტენდერში 3 პრეტენდენტი მონაწილეობდა. თუმცა სატენდერო კომისიამ სამივეს დისკვალიფიკაცია მისცა ტექნიკური დოკუმენტაციის გამო. შესაბამისად, ეს ტენდერი დასრულდა უარყოფითი შედეგით.

10 ტონა დამუშავებული და შენახული [გაყინული] თევზი მოივას მოწოდებაზე [1 კილოგრამ თევზში უნდა ამოვიდეს 25-40  ერთეული თევზი] ცენტრმა ხელახალი ტენდერი გამოაცხადა. სატენდერო თანხა 35 ათასი ლარია.

ამ ტენდერის დასრულებამდე კი ცენტრი 5900 კგ გაყინულ თევზს [30 დღის საკვები მარაგი], ტენდერის გარეშე შეისყიდის.

„ეს არის ის მინიმალური რაოდენობა, რომელიც საჭიროა მიმდინარე ტენდერის დასრულებამდე ორგანიზაციის ბინადართა გამოსაკვებად [შერჩევა/შეფასების ეტაპისა და ხელშეკრულების მოსამზადებელი პერიოდის გათვალისწინებით] – აღნიშნულია ცენტრის მიერ შესყიდვების გვერდზე გამოქვეყნებულ განცხადებაში.

ამავე თემაზე:

კვების რაციონი ბათუმის დელფინარიუმში და გაყიდული ზღვის ლომები

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com