დღეს, 28 სექტემბერს, ბათუმის იუსტიციის სახლში დილიდან რიგია. რიგში მდგომები ამბობენ, რომ დღეს ბოლო დღეა იმ იურიდიული პირების რეგისტრაციისა, რომლებიც მძიმე, მავნე და საშიშპირობებიან სამუშაოებს აწარმოებენ. გარდა ამისა, აქ არიან ის პირებიც, რომლებმაც იუსტიციის სახლს სხვა მომსახურებისთვის მიმართეს.
„სამი თვეა კანონი ამას ითხოვს და დღეს გაახსენდა ეტყობა რატომღაც ყველას, რომ ეს გასაკეთებელია“ – გვითხრეს იუსტიციის სახლის პრესსამსახურში.
„ბათუმელები“ რიგში ისეთ მოქალაქეებსაც შეხვდა, რომლებმაც დღის სამ საათზე აიღეს რიგის ნომერი, თუმცა ამ დრომდე [17:30 წთ] რიგში დგანან. მოქალაქეები ამბობენ იმასაც, რომ არ ჰქონდათ ინფორმაცია.
იუსტიციის სახლი საღამოს ექვს საათამდე მუშაობს. აქ ამბობენ, რომ ზუსტად 18 საათზე კარი დაიკეტება, თუმცა შენობაში მყოფ ყველა მოქალაქეს მოემსახურებიან.
განახლება: დღის ბოლოს, ცნობილი გახდა, რომ მთავრობის გადაწყვეტილებით, რეგისტრაციის მიზნით დაინტერესებულ პირთა მაღალი მიმართვიანობიდან გამომდინარე, რეგისტრაციის პერიოდი გახანგრძლივდა 30 კალენდარული დღით და ბოლო ვადად განისაზღვრა 2018 წლის 30 ოქტომბერი.
თედო ჯორბენაძის ფოტო
თედო ჯორბენაძის ფოტო
იუსტიციის სახლი ბათუმში / 28.09.2018 /
