ნეტგაზეთი • RU

ოფროუდის მონაწილეები ბაზებმა დაკბინეს – ადგილზე სასწრაფო დახმარება ორჯერ გამოიძახეს

ხელვაჩაურში, სოფელ ჭარნალში მიმდინარე ოფროუდის ჩემპიონატში აჭარის ღია ჩემპიონატის მონაწილეები მწერებმა, სავარაუდოდ ბაზებმა დაკბინეს. ადგილზე სასწრაფო სამედიცინო სამსახურის ბრიგადის გამოძახება ორჯერ გახდა საჭირო.

სასწრაფო სამედიცინო სამსახურის ინფორმაციით, პირველ გამოძახებაზე ადგილზე სამედიცინო დახმარება 5 ადამიანს აღმოუჩინეს, ამის შემდეგ კი იმავე ადგილიდან ბრიგადა კვლავ გამოიძახეს, თუმცა ამ დროისთვის [16:10 სთ] სხვა დეტალები უცნობია.

ჩემპიონატი დღეს, 26 აგვისტოს, დაიწყო და ის ამ წუთებშიც მიმდინარეობს. მასში საქართველოდან და თურქეთიდან 25-მდე ავტომობილი მონაწილეობს.

როგორც მოგვიანებით „ბათუმელებისთვის“ გახდა ცნობილი, ჩემპიონატის ორი მონაწილე სტაციონარში გადაიყვანეს, თუმცა დღის ბოლოს ორივე გაწერეს.

აჭარის ღია ჩემპიონატი ოფროუდში [ფოტო]

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com