Batumelebi | რატომ დაცალეს მდინარე ჭოროხზე ჰესის კაშხალი რატომ დაცალეს მდინარე ჭოროხზე ჰესის კაშხალი – Batumelebi
RU | GE  

რატომ დაცალეს მდინარე ჭოროხზე ჰესის კაშხალი

ხელვაჩაურის მუნიციპალიტეტის სოფელ ერგესთან მდინარე ჭოროხზე არსებული ჰესის – „ხელვაჩაური 1“ – კაშხალი დაცალეს. ჰესი „აჭარ ენერჯი-2007“-ს ეკუთვნის. კომპანიის წარმომადგენლის, გიორგი ნაკაშიძის ინფორმაციით, ჰესის დაცლა გეგმიურ-პროფილაქტიკურ სამუშაოებს უკავშირდება და ნაგებობაზე რაიმე დაზიანებას ადგილი არ ჰქონია.

მდინარისპირას მცხოვრები მოქალაქეების თქმით, კომპანიამ ისინი წინასწარ გააფრთხილა, რომ კაშხალი დაიცლებოდა.

„აჭარ ენერჯი-2007“-ს ჭოროხზე ორი ჰესი ეკუთვნის, „ხელვაჩაური 1“ , რომელიც ექსპლუატაციაში იყო და ახლა დროებით გააჩერეს, და „კირნათი ჰესი“, რომლის მშენებლობაც ჯერ დასრულებული არ არის.

კომპანიის წარმომადგენლის თქმით, მისთვის უცნობია, თუ როდის განაახლებს „ხელვაჩაური 1“ მუშაობას.

 

მთავარი ფოტო: „ხელვაჩაური 1“ / მანანა ქველიაშვილის ფოტო „ბათუმელების“ არქივიდან.
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com