ბათუმში, ქალაქის ცენტრში, ლუკა ასათიანის ქუჩაზე, ოფისი გაქურდეს. უძრავი ქონების სააგენტოს თანამშრომელს დღეს, 5 აგვისტოს, დილით, სააგენტოს ოფისი გაქურდული დახვდა. „სავარაუდოდ კარის საკეტია დაზიანებული და წაღებულია კომპიუტერი,“ – გვითხრა მან.
ადგილზე ამ წუთებში შინაგან საქმეთა სამინისტროს საექსპერტო-კრიმინალისტიკური სამსახურის თანამშრომლები მუშაობენ.
შსს-ს პრესსამსახურის ინფორმაციით, „გამოძიება დაწყებულია სს კოდექსის 177-ე, ქურდობის მუხლით. დადგენილია სავარაუდო დამნაშავე და მიმდინარეობს საგამოძიებო მოქმედებები“.
ბათუმში, ლუკა ასათიანის ქუჩაზე ოფისი გაქურდეს / 5.08.2018
