აჭარის სოფლის მეურნეობის მინისტრს სამი მოადგილე ეყოლება


აჭარის სოფლის მეურნეობის მინისტრმა, ტიტე აროშიძემ თანამშრომლებს მოადგილეები წარუდგინა.

მინისტრის პირველი მოადგილის თანამდებობა მამუკა თურმანიძემ დაიკავა. იგი 2017 წლის მარტიდან დღემდე აჭარის ავტონომიური რესპუბლიკის სოფლის მეურნეობის სამინისტროს აგრარული განვითარების დეპარტამენტის უფროსი იყო. მამუკა თურმანიძე სოფლის მეურენობის სამინისტროში 2013 წლიდან მუშაობს, იყო სოფლის მეურნეობის დარგობრივი განვითარების განყოფილების მთავარი სპეციალისტი შემდეგ კი სოფლის მეურნეობის დარგობრივი განვითარების განყოფილების უფროსი.

რუსლან ქორიძე პროფესიით ეკონომისტია და მას 2016 წლიდან აჭარის სოფლის მეურნეობის მინისტრის მოადგილის პოზიცია უკავია. იგი 2014-2016 წლებში აჭარის ავტონომიური რესპუბლიკის მთავრობის აპარატის უფროსი იყო.

ჯამბულ ხოზრევანიძე პროფესიით ინჟინერია. იგი 2018 წლის თებერვალში დაინიშნა მინისტრის მოადგილის თანამდებობაზე. მანამდე ხოზრევანიძე ხულოს მუნიციპალიტეტის საკრებულოს თავმჯდომარე იყო.

მოადგილეები აჭარის სოფლის მეურნეობის მინისტრის წარდგინებით, აჭარის მთავრობის თავმჯდომარის ბრძანებით დაინიშნენ.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.