ბათუმის დელფინარიუმში მეშვიდე ზღვის ლომი დაიბადა


ბათუმის დელფინარიუმში ახალი ბინადარი ჰყავთ.

“სამხრეთ ამერიკული ზღვის ლომების ოჯახში პედროსა და მარის შვილი შეეძინათ. მამა პედრო 13 წლისაა, დედა კი 12 წლის.

ახალშობილი ბიჭი სრულიად ჯანმრთელია. დაიბადა მუქი ყავისფერი ბეწვით. წონა 5-7 კგ-ია. პატარა და დედა თავს შესანიშნავად გრძნობენ. ჩვილი სელაპი დედის რძით დაბადებიდან 6-8 თვის განმავლობაში იკვებება.

“მატება ნათელი დადასტურებაა, რომ ბინადრები, მოვლისა და შენახვის თვალსაზრისით იდეალურ გარემოში იმყოფებიან, კვალიფიციური სპეციალისტების მეთვალყურეობის ქვეშ” – აღნიშნულია დელფინარიუმის მიერ გავრცელებულ ინფორმაციაში.

დელფინარიუმის ცნობით, ბოლო 8 წლის განმავლობაში ბათუმის დელფინარიუმში უკვე 7 ზღვის ლომი დაიბადა.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.