ბათუმში მოსახლეობას ელექტროენერგიის მიწოდება შეუწყდა.
“ენერგო-პრო ჯორჯიას” ინფორმაციით, დაზიანებულია მაღალი ძაბვის ხაზი, რამაც გამოიწვია სისტემური გათიშვა.
ამ დროისთვის უცნობია, რამდენ აბონენტს არ მიეწოდება შუქი ქალაქში.
“ენერგო-პრო ჯორჯიაში” აცხადებენ, რომ მიმდინარეობს დაზიანების მიზეზის დადგენა. უცნობია, როდის აღდგება შუქის მიწოდება.
შენიშვნა: “ენერგო-პრო ჯორჯიას” ინფორმაციით, ალტერნატიული ხაზის ჩართვით ქალაქში შუქის მიწოდება სრულად აღდგა.
