ბათუმში, ახალ ბულვარში, არდაგანის ტბის გასწვრივ არსებული სკეიტპარკის გასარემონტებლად ბულვარის ადმინისტრაციას 85 867 ლარი აქვს გათვალისწინებული. მომსახურება ითვალისწინებს როგორც სამშენებლო-სამღებრო სამუშაოებს, ასევე ელექტროგანათების მოწყობას.
სარემონტო სამუშაოებს ბულვარის ადმინისტრაცია ელექტრონული ტენდერით შეისყიდის. ტენდერში გამარჯვებულის გამოვლენის შემთხვევაში, თუ სატენდერო პირობებს გავითვალისწინებთ, სამუშაოები აგვისტოს ბოლომდე ვერ დასრულდება, ზღვის სეზონი კი, ბათუმში უკვე გახსნილია.
სკეიტპარკის სარემონტო სამუშაოებზე ტენდერი მიმდინარე წლის 26 ივნისს დასრულდება, სამუშაოები კი გამარჯვებულთან ხელშეკრულების გაფორმებიდან 50 დღის განმავლობაში უნდა დამთავრდეს.
ბათუმის სკეიტპარკი
