ქედის მუნიციპალიტეტის სოფელ ცხმორისში საცხოვრებელი სახლი დაიწვა. ხანძარი ხის ორსართულიან შენობაში გაჩნდა. როგორც ქედის მერი ლევან გორგილაძე „ბათუმელებთან“ საუბარში ამბობს, ხანძარმა სახლი მთლიანად გაანადგურა.
„ხანძრის გამომწვევი ზუსტი მიზეზები ჯერ არ ვიცით, მაგრამ სავარაუდოდ ელექტროგაყვანილობა სახელდება,“ – ამბობს ლევან გორგილაძე.
სახლში ოთხი ადამიანი ცხოვრობდა, მათ შორის ერთი ბავშვი. როგორც ქედის მერი ამბობს, მათ ჯანმრთელობას საფრთხე არ ემუქრება.
„პირველ ეტაპზე ოჯახს გადავიყვანთ ქირით, შემდეგ როცა დადგინდება ზარალი და ხანძრის მიზეზი, მივმართავთ აჭარის მთავრობას და სარეზერვო ფონდიდან დავეხმარებით დაზარალებულ ოჯახს.
გამგეობის ბიუჯეტიდანაც გამოიყოფა ალბათ თანხები და გვაქვს მეზობლების ჩართულობის იმედიც,“ – ამბობს ლევან გორგილაძე.
ხანძარი დღეს, 4 ივნისს, დღის პირველ ნახევარში გაჩნდა.
ხანძარი ცხმორისში
ხანძარი ცხმორისში
