საფრანგეთის პროფესიულ კავშირში გაერთიანებულმა მოქალაქეებმა ქვეყნის 140 სხვადასხვა ქალაქში გამართეს საპროტესტო აქციები. საფრანგეთის საგარეო საქმეთა სამინისტროს ინფორმაციით, ქვეყნის მასშტაბით დაახლოებით 139 000 დემონსტრანტი გამოვიდა ქუჩებში.
მხოლოდ პარიზში საპროტესტო აქციაზე 16 000-მდე უკმაყოფილო მოქალაქეა შეკრებილი: ექიმები, მასწავლებლები, სტუდენტები, ავიადისპეტჩერები და პენსიონერები აპროტესტებენ ქვეყანაში სამუშაო ადგილების შემცირებას, ხელფასების კლებას, მაკრონის ეკონომიკურ რეფორმებსა და უმაღლეს სასწავლებლებში ჩარიცხვის წესების ცვლილებებს.
აქციებს ულტრამემარცხენე „შავი ბლოკის“ წევრებიც შეუერთდნენ. რადიკალურად განწყობილმა ჯგუფმა მაღაზიის ვიტრინები და ავტობუსების გაჩერებები დააზიანა. პოლიციამ წყლის ჭავლის მანქანები და ცრემლსადენი გაზი გამოიყენა. დაკავებულია 20-ზე მეტი დემონსტრანტი.
პროფკავშირების საპროტესტო აქციის მონაწილეებმა დემონსტრაციაზე ემანუელ მაკრონის ფიტულიც დაწვეს.
PARIS – Une tête représentant Macron est brûlée par les manifestants #Manif22Mai
« Macron au bûcher ! » pic.twitter.com/Zg07O0jkoL
— Clément Lanot (@ClementLanot) May 22, 2018
პროფკავშირების მიერ ორგანიზებული საპროტესტო აქცია მაკრონის პრეზიდენტობის ერთწლიან პერიოდში უკვე მესამედ იმართება.
როგორც ფრანგული გამოცემა le figaro იუწყება ელისეს სასახლეში უკვე მიიღეს გადაწყვეტილება, რომ კვირის დასასრულს პრემიერ-მინისტრი ედუარდ ფილიპი პროფკავშირების სხვადასხვა ჯგუფს შეხვდება მოსალაპარაკებლად.
________________________
წყარო:
