მთავარი,სიახლეები

„იცოდე საკუთარი წნევა“ – 17 მაისს ჰიპერტენზიის მსოფლიო დღეც აღინიშნება

17.05.2018 • 4200
„იცოდე საკუთარი წნევა“ – 17 მაისს ჰიპერტენზიის მსოფლიო დღეც აღინიშნება

ყოველი წლის 17 მაისს ჰიპერტენზიის მსოფლიო დღე აღინიშნება. ამ დღის ფარგლებში ჩატარებული კამპანიების მიზანია მოსახლეობის ცნობიერების ამაღლება გულ-სისხლძარღვთა დაავადებების ძირითადი რისკ- ფაქტორის – არტერიული ჰიპერტენზიის ადრეული გამოვლენის, პრევენციისა და რეგულარული მკურნალობის სარგებლის შესახებ.

ბოლო ოთხი წელია უცვლელია ჰიპერტენზიის მსოფლიო დღის სლოგანი – „იცოდე საკუთარი წნევა“.

დაავადებათა კონტროლისა და საზოგადოებრივი ჯანმრთელობის ეროვნული ცენტრის ცნობით,  მსოფლიოში ყოველი ათი ზრდასრული ადამიანიდან სამს მაღალი წნევა აღენიშნება. ჰიპერტენზიით დაავადებულია დაახლოებით 1.8 მილიარდი ადამიანი, რომელთა თითქმის ნახევარმა არ იცის ამის შესახებ; მოსახლეობის გარკვეული ნაწილი კი არ იტარებს მედიკამენტოზურ მკურნალობას.

[highlight color=”eg. yellow, blue, red, green”]რა არის არტერიული ჰიპერტენზია?[/highlight]

  • ჰიპერტენზია ანუ მაღალი არტერიული წნევა, რომლის დროსაც არტერიული წნევის ციფრები აღემატება 140/90 მმ.ვწყ.სვ-ს, კლინიკური მდგომარეობაა, რომელსაც ხშირად ,,ჩუმ მკვლელს’’ უწოდებენ, რადგან იგი უსიმპტომოდ მიმდინარეობს ხანგრძლივი დროის განმავლობაში.
  • შესაძლო სიმპტომები: თავის ტკივილი, ძილიანობა, გულის ფრიალი, მხედველობის დაბინდვა, დაღლილობა, თავბრუსხვევა, სმენის პრობლემები, სუნთქვის გართულება, გულის რითმის დარღვევები და ა.შ.
  • ჰიპერტენზია ორი სახისაა: პირველადი და მეორადი. პირველადი ჰიპერტენზიია უფრო გავრცელებულია და ხშირად მისი გამომწვევი უცნობია. რაც შეეხება მეორად ჰიპერტენზიას, მისი საფუძველი სხვა ორგანოს ან ორგანოთა სისტემის დაავადებაა; მაგალითად, თირკმლის, ენდოკრინული სისტემის და ა.შ. ჰიპერტენზიის განვითარებაში მნიშვნელოვანი როლი ისეთ რისკ-ფაქტორებს ენიჭება, როგორიცაა, მემკვიდრეობითი დატვირთვა ანუ ჰიპერტენზიის ოჯახური ანამნეზი, ასაკი, ჭარბი წონა/სიმსუქნე, ალკოჰოლის ჭარბი მოხმარება, არაჯანსაღი კვება, მარილის ჭარბი მოხმარება, თამბაქო, ხშირი სტრესები, ნერვული დაძაბულობა და ა.შ.
  • ჰიპერტენზიის პირველადი პრევენცია ანუ თავიდან აცილება, ქცევითი რისკ-ფაქტორების კორექციითაა შესაძლებელი. უფრო მეტ სირთულეს წარმოადგენს მისი მკურნალობა. ჰიპერტენზია ქრონიკული დაავადებაა, საჭიროებს ხანგრძლივ მკურნალობას;
  • მკურნალობის პრინციპი ექიმის მიერ რეკომენდებული წნევის დამწევი პრეპარატების რეგულარული მიღებაა ცხოვრების ჯანსაღი წესის პრინციპების დაცვასთან ერთად.

საქართველოში ჰიპერტენზიის გავრცელების მაჩვენებელი 18-69 წლამდე პოპულაციაში 37.7 პროცენტია.

17 მაისს აღინიშნება ჰომოფობიასთან და ტრანსფობიასთან ბრძოლის საერთაშორისო დღეც. მას შემდეგ, რაც ამ დღის აღნიშვნა ხილვადი გახდა, საქართველოს პატრიარქმა ილია მეორემ 17 მაისი ოჯახის სიწმინდის დღედ გამოაცხადა. 

_______________________

ამავე თემაზე:

როგორ ვაკონტროლოთ წნევა

გაწუხებთ წნევა? – იარეთ ფეხით 

რეპროდუქციული ასაკის ქალებში მოიმატა უეცარი სიკვდილის შემთხვევებმა – კვლევის შედეგები 

 

გადაბეჭდვის წესი


ასევე: