ბათუმის ბოტანიკურ ბაღში ბამბუკების გამოფენა გაიხსნა. გამოფენაზე 16 სახეობის ბამბუკი იყო წარმოდგენილი. ასევე გამოფენილი იყო ბამბუკისაგან დამზადებული აქსესუარები და სხვადასხვა სახის დესერტი.
ბამბუკის სულ მცირე 600-მდე სახეობაა, რომლებიც ძირითადად სამხრეთ-აღმოსავლეთ აზიაშია გავრცელებული. საქართველოში ბამბუკი მე-19 საუკუნის ბოლოს გავრცელდა. ბათუმის ბოტანიკურ ბაღში ბამბუკი პირველად 1912 წელს შეიტანეს. 1914 წელს უკვე ბაღში ბამბუკის 50-მდე სახეობა იყო.

გამოფენაზე მისულ სტუმრებს საზოგადოებრივი კოლეჯი “ახალი ტალღა” ბამბუკისაგან დამზადებული სხვადასხვა სახის დესერტითა და კოქტეილით გაუმასპინძლდა.