ბათუმში, ლეონიძის ქუჩაზე, ბათუმის სახელმწიფო უნივერსიტეტის სასწავლო კორპუსის მშენებლობა დაიწყო. საძირკვლის ჩაყრის ცერემონიალს აჭარის მთავრობის თავმჯდომარესთან, ზურაბ პატარაძესთან ერთად, მიხეილ ჩხენკელიც ესწრებოდა – განათლებისა და მეცნიერების მინისტრი.
ახალი სასწავლო კორპუსის მშენებლობა 2018 წლის ბოლოს დასრულდება. სამსართულიან შენობაში განთავსდება 27 აუდიტორია, კაბინეტები, საკონფერენციო დარბაზი.
კორპუსი ადაპტირებული იქნება.
ახალი კორპუსის მშენებლობისთვის აჭარის ბიუჯეტიდან 2 მილიონ 700 ათასი ლარი დაიხარჯება.