მთავარი,სიახლეები

ხვალ ქვეყნის მასშტაბით გარემოსდაცვითი ახალი კამპანია იწყება

21.04.2018 • 1768
ხვალ ქვეყნის მასშტაბით გარემოსდაცვითი ახალი კამპანია იწყება

ხვალ, 22 აპრილს, დედამიწის დღეზე ქვეყნის მასშტაბით იწყება კამპანია – „გარემოს გულისთვის“, რომლის მიზნია წაახალისოს ადამიანები, მონაწილეობა მიიღონ თავიანთი უბნების გალამაზებაში.

პროგრამას ახორციელებს კავკასიის გარემოსდაცვითი არასამთავრობო ორგანიზაციების ქსელი (CENN) აშშ-ის საერთაშორისო განვითარების სააგენტოს (USAID) დახმარებით. კამპანიის ორგანიზატორები მოუწოდებენ კომპანიებს, არასამთავრობო ორგანიზაციებს, ადგილობრივ მოსახლეობას და სხვა დაინტერესებულ პირებს, მხარი დაუჭირონ მათ მწვანე აქტივობების განხორციელებაში.

„კამპანიასთან თანამშრომლობის მსურველ კომპანიებს, ორგანიზაციებს და ცალკეულ პირებს შეუძლიათ აირჩიოთ სპეციფიკური ადგილი, როგორიცაა: გზის განაპირა უბანი, სალაშქრო ბილიკი და ა.შ. აიღონ პასუხისმგებლობა სამი წლის განმავლობაში მის მოვლაზე.

CENN-ის მხარდაჭერით მოხდება ტერიტორიის პირველადი დასუფთავება, რის შემდეგაც მასზე დაიდგმება „საინფორმაციო ნიშანი“, რომელიც საზოგადოებას ამცნობს ამა თუ ორგანიზაციის ან ცალკეული პირის მიერ ტერიტორიის „შვილების“ შესახებ, რაც ტერიტორიის სულ მცირე, თვეში ერთხელ დასუფთავებაში გამოიხატება“, – ნათქვამია აქციის ორგანიზატორთა განცხადებაში.

როგორც ორგანიზატორები აცხადებენ, აღნიშნულ კამპანია შთაგონებულია 1953 წელს აშშ-ში წამოწყებული კამპანიის – „შეინარჩუნე ამერიკის სილამაზე“, რომელმაც მილიონობით მოხალისის მობილიზება შეძლო.

კამპანიის – „ჩვენ გარემოსთვის“ ამოცანებია: სოციალური გარემოსდაცვითი პასუხისმგებლობის ამაღლება, დანაგვიანების აღმოფხვრა, გადამუშავების პრაქტიკის პოპულარიზაცია, საქართველოს ტერიტორიების გალამაზება.

 

 

 

გადაბეჭდვის წესი


ასევე: