ყინულის ჰოკეის მსოფლიო ჩემპიონატზე საქართველოს ნაკრებმა მეორე გამარჯვებაც მოიპოვა

კეიპტაუნში გრძელდება მსოფლიო ჩემპიონატი ყინულის ჰოკეიში მესამე დივიზიონის გუნდებს შორის. საქართველოს ნაკრებმა ბულგარეთის ნაკრები 17 აპრილს ანგარიშით 5:3 დაამარცხა. ეს მათი მეორე გამარჯვებაა ჩემპიონატის ფარგლებში, 16 აპრილს საქართველოს ნაკრებმა თურქეთის ნაკრებიც დაამარცხა, ანგარიშით 6:2.

ბულგარეთი – საქართველო (ემოციები, გოლები, საუკეთესო მოთამაშე):

https://www.facebook.com/GIHNF/videos/742396366148930/

19 აპრილს საქართველო ჰონგ-კონგის ნაკრებს ხვდება, 20 აპრილს – სამხრეთ აფრიკას, 22 აპრილს კი – ტაიპეის ნაკრებს. ტურნირის გამარჯვებული გაისად მსოფლიოს ჩემპიონატის II დივიზიონში ითამაშებს.