Batumelebi | „ვისოლის“ შვილობილი კომპანია მოსაცდელებს ისე ამონტაჟებს, რომ ტროტუარები იკეტება  „ვისოლის“ შვილობილი კომპანია მოსაცდელებს ისე ამონტაჟებს, რომ ტროტუარები იკეტება  – Batumelebi
RU | GE  

„ვისოლის“ შვილობილი კომპანია მოსაცდელებს ისე ამონტაჟებს, რომ ტროტუარები იკეტება 

„ვისოლ“ ჯგუფის შვილობილი კომპანია „ალმა“ ბათუმში, საზოგადოებრივი ტრანსპორტის გაჩერებებზე, მოსაცდელებს ისე ამონტაჟებს, რომ ტროტუარები ზოგიერთ ადგილზე მთლიანად ჩაკეტილია. ამასთან, ახალი მოსაცდელები არაადაპტირებულია, მაშინ, როცა მერია სწორედ ადაპტირებული მოსაცდელების დადგმას გეგმავდა.

რატომ ჩაიკეტა ტროტუარები? იყო თუ არა ტროტუარების მოსაცდელებით ჩაკეტვა იმ პროექტით გათვალისწინებული, რომელიც ქალაქის მერიასთან შეთანხმდა? დარჩება თუ არა ტროტუარები ჩაკეტილი? ხომ არ გეგმავს მერია კონკრეტულ ადგილებში ჩაკეტილი ტროტუარების გაფართოებას? – ამ კითხვებით ბათუმის მერიას მივმართეთ.

მერიის პასუხებს მიღებისთანავე შემოგთავაზებთ.

რაც შეეხება არაადაპტირებულ მოსაცდელებს, ბათუმის მერიაში აცხადებენ, რომ კომპანია გააფრთხილეს და ის უკვე დამონტაჟებულ მოსაცდელებს ადგილზე გადააკეთებს.

ამ ყველაფრის პარალელურად მერია კომპანიას იჯარის ხელშეკრულებას 10 წლით უგრძელებს.

„ვისოლ ჯგუფის“ შვილობილ კომპანია შპს „ალმას“ საქართველოს ტურიზმის ეროვნული ადმინისტრაცია სარეკლამო ბანერებზე, ბილბორდებსა და მონიტორებზე თავისი რეკლამის (საიმიჯო ვიზუალის) განსათავსებლად პროექტ „ჩექინ ჯორჯია 2018“-ის ფარგლებში, 500 ათასამდე ლარს გადაუხდის. რეკლამა რამდენიმე ქალაქში განთავსდება, სადაც „ალმა“ სარეკლამო სივრცეებს იჯარით ექსკლუზიურად ფლობს. მათ შორის ბათუმშიც.

ბათუმის შემთხვევაში მიწის ნაკვეთები საზოგადოებრივი ტრანსპორტის გაჩერებების მოსაწყობად იჯარით შპს „ფერტუნა მედიას“ 2015 წელს გადაეცა. საიჯარო ხელშეკრულებაში 2014 წელს ცვლილებები შევიდა, 2017 წლის მარტში კი, „ფერტუნა მედია“ შპს „ალმას“ შეერწყა.

ბათუმის მერიამ უკვე მიმართა საკრებულოს, რათა აღნიშნულ ხელშეკრულებაში მორიგი ცვლილება შევიდეს. ამ ცვლილებით მერია „ალმას“ საიჯარო ხელშეკრულების მოქმედების ვადას, 2035 წლის 31 დეკემბრამდე გაუგრძელებს. საკითხზე საკრებულო სავარაუდოდ 30 მარტს ჩანიშნულ სხდომაზე იმსჯელებს. კომპანიას ქალაქის ტერიტორიაზე იჯარით 100 ნაკვეთი აქვს გადაცემული.

საკრებულოს განკარგულების პროექტი

შპს „ალმას“ მიერ დამონტაჟებული მოსაცდელი ბათუმში

შპს „ალმას“ მიერ დამონტაჟებული მოსაცდელი ბათუმში

შპს „ალმა“ ამ ადგილზე მოსაცდელის დამონტაჟებას გეგმავს / ბათუმი

შპს „ალმას“ მიერ დამონტაჟებული მოსაცდელი ბათუმში

შპს „ალმა“ ამ ადგილზე მოსაცდელის დამონტაჟებას გეგმავს / ბათუმი

შპს „ალმა“ ამ ადგილზე მოსაცდელის დამონტაჟებას გეგმავს / ბათუმი

შპს „ალმას“ მიერ დამონტაჟებული არაადაპტირებული მოსაცდელი / ბათუმი

შპს „ალმას“ მიერ დამონტაჟებული არაადაპტირებული მოსაცდელი / ბათუმი

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com