კულტურული მემკვიდრეობა,რეკლამა,სიახლეები

კმდს პრეზენტაცია ტურისტული მარშრუტების უკეთ დასაგეგმად

22.03.2018 • 1655
კმდს პრეზენტაცია ტურისტული მარშრუტების უკეთ დასაგეგმად

დღეს, კულტურული მემკვიდრეობის დაცვის სააგენტომ [კმდს] აჭარის ტურიზმის დეპარტამენტში პრეზენტაცია წარადგინა თემაზე: „აჭარის კულტურული მემკვიდრეობის უძრავი ძეგლები“. სააგენტოში მიაჩნიათ, რომ ეს ინფორმაცია ტურიზმის დეპარტამენტს დაეხმარება ტურისტული მარშრუტების უკეთ დაგეგმვაში. წელს კმდს ერთ-ერთი პრიორიტეტია, რაც შეიძლება მეტი ტურისტი და ვიზიტორი გაეცნოს აჭარაში არსებულ კულტურული მემკვიდრეობის ძეგლებს. შესაბამისად, მსგავსი ტიპის შეხვედრებს სააგენტო სხვა ორგანიზაცებთანაც გეგმავს.

ტურისტული სააგენტოებისა და ტურიზმის  დეპარტამენტის წარმომადგენლები გაეცნენ ინფორმაციას აჭარის ტერიტორიაზე არსებული კულტურული მემკვიდრეობის უძრავი ძეგლების რაოდენობის, მათი ადგილმდებარეობის, აგების თარიღის, ფუნქციური დანიშნულების შესახებ.

სააგენტომ დეპარტამენტს საჩუქრად გადასცა კულტურული მემკვიდრეობის დაცვის სააგენტოში დაცული სრულყოფილი და სისტემატიზებული საინფორმაციო ბაზა, რომელიც თითოეული ძეგლის შესახებ შეიცავს ტექსტურ და გრაფიკულ მონაცემებს, ფოტომასალას და ელექტრონულ რუკებს.

გადაბეჭდვის წესი


ასევე: