მსოფლიო სასკოლო ოლიმპიადაზე, რომელიც 2018 წლის აპრილში მალტაში ჩატარდება მაგიდის ჩოგბურთში, საქართველოდან ვაიოს საჯარო სკოლის გოგონათა გუნდი იასპარეზებს.
გუნდმა, რომლის შემადგენლობაში ოთხი სპორტსმენია, მსოფლიო სასკოლო ოლიმპიადაზე საგზური 27 ივნისს, ქუთაისში გამართულ საფინალო თამაშში, თბილისის სასკოლო გუნდებთან გამარჯვებით მოიპოვა.
ვაიოს საჯარო სკოლის გოგონათა გუნდს ჩემპიონატზე ოთხი სპორტსმენი წარადგენს – ელზა მახაჭაძე, ლინდა ჩიკვაიძე, მირანდა გორგილაძე და ქეთი შავიშვილი. ლინდა მირანდა და ქეთი კლასელები არიან. ვაიოს სკოლაში ჩოგბურთი 2009 წლიდან ისწავლება.
გოგონებს იმედა მახაჭაძე წვრთნის, რომელსაც იოსებ მახაჭაძე ეხმარება.
ვაიოს სკოლაში სულ 74 მოსწავლე სწავლობს.
ავტორები: ეკა ბარამიძე, ია ფრანგიშვილი
