ბათუმის სახელმწიფო უნივერსიტეტში წითელას წინააღმდეგ სტუდენტთა იმუნიზაცია მიმდინარეობს. აქციის ორგანიზატორები არიან უნივერისტეტი და აჭარის საზოგადოებრივი ჯანდაცვის ცენტრი. აიცრებიან ის სტუდენტები, რომელთაც აცრა ჩატარებული არ აქვთ.
აცრა უფასოა.
აცრის გაკეთება შესაძლებელია ბსუ-ს მედპუნქტში (ოთახი #101), 21-დან 23- თებერვლის ჩათვლით, 12:00- 15:00 საათამდე.
დღეს, 21 თებერვალს, იმუნიზაციას უნივერსიტეტში აჭარის ჯანდაცვის მინისტრი, ზაალ მიქელაძეც დაესწრო.
აჭარაში სტუდენტების წითელათი ვაქცინაცია დაიწყო
აჭარაში წითელას ეპიდაფეთქებაა. ბოლო მონაცემებით რეგიონში წითელას 222 შემთხვევა გამოვლინდა, მთელი ქვეყნის მასშტაბით კი ეს მაჩვენებელი 300-ზე მეტია.
სპეციალისტების განცხადებით, წითელას თავიდან ასაცილებლად დროული ვაქცინაცია გადამწყვეტ როლს თამაშობს. საქართველოში წითელას საწინააღმდეგო აცრის გადასახადს 40 წლამდე მოსახლეობაში სახელმწიფო ფარავს და, როგორც დაავადებათა კონტროლის ევრონულ ცენტრში აცხადებენ, მას არ გააჩნია უკუჩვენება. მათივე თქმით, წითელა იმდენად გადამდებია, რომ 40 წელს გადაცილებული მოსახლეობის უმეტესობას დაავადება უკვე გადატანილი აქვს და ისინი სარისკო ჯგუფს არ წარმოადგენენ.
წითელას წყარო არის დაავადებული ადამიანი, რომელიც განსაკუთრებით საშიშია დაავადების ადრეულ პერიოდში. ვირუსის ინკუბაციის პერიოდი ინფიცირებიდან პირველ სიმპტომამდე შეადგენს 7-18 დღეს, ინფიცირებულები გადამდებად ითვლებიან გამონაყრიდან 4 დღის და გამონაყრის დაწყებიდან 4 დღის განმავლობაში. გარდაა ამისა, ვირუსს ახასიათებს მაღალი მიმღებლობაც, 24-საათიანი კონტაქტის პერიოდში ავადდება ინფექციის მიმღები კონტინგენტის 40%; 48-საათიანი კონტაქტის პერიოდში – 60% , ხოლო 72-საათიანი კონტაქტის პერიოდში – 80%.
წითელას ტიპური შემთხვევა საკმაოდ მწვავედ იწყება, ტემპერატურის მომატებით, სიმპტომებიდან დაახლოებით 2-3 დღის შემდეგ პირის ღრუში შეიძლება გაჩნდეს წვრილი, თეთრი გამონაყარი, 5-6 დღის შემდეგ კი ავადმყოფის სხეულზე ჩნდება გამონაყარი. თუმცა, რაც უფრო ასაკოვანია დაავადებული, მით უფრო რთულია სიმპტომების გადატანა.
ამავე თემაზე:
„მშობლებო, აიცერით და აცერით თქვენი შვილები“ – წითელას შემთხვევები ისევ იზრდება
რა არის წითელა და როგორ ავიცილოთ იგი თავიდან
