რადიო „თავისუფლების“ თბილისის ბიუროს ყოფილი ხელმძღვანელი მარინა ვაშაყმაძე მუშაობას საზოგადოებრივი მაუწყებლის აჭარის ტელევიზიასა და რადიოში გააგრძელებს. ამის შესახებ ინფორმაციას აჭარის ტელევიზიაში ადასტურებენ.
აჭარის ტელევიზიაში მარინა ვაშაყმაძე დირექტორის კონსულტანტის პოზიციაზე გააგრძელებს საქმიანობას. მისი ძირითადი უფლება-მოვალეობები იქნება სამაუწყებლო პროცესებში ჩართვა, თანამშრომელთა კვალიფიკაციაზე ზრუნვა და წარმოების პროცესში ხარვეზების გამოვლენა.
მარინა ვაშაყმაძემ რადიო „თავისუფლებაში“ თანამდებობა 2018 წლის 31 იანვარს, მას შემდეგ დატოვა, რაც ერთი დღით ადრე თანამდებობიდან რადიოს ქართული სამსახურის უფროსი დავით კაკაბაძე გაათავისუფლეს. დავით კაკაბაძე რადიო “თავისუფლების” ქართულ სამსახურს 2005 წლიდან ხელმძღვანელობდა.
თავად მარინა ვაშაყმაძე რადიო „თავისუფლების“ თბილისი ბიუროს უფროსად 2006 წლიდან მუშაობდა.
__________________
მთავარ ფოტოზე: მარინა ვაშაყმაძე. ფოტო პირადი ფეისბუქგვერდიდან
