აჭარის მთავრობა ძველ ბათუმში, ელიავას ქუჩაზე, N4-ში [აჭარის ყოფილი შს სამინისტროს შენობის უკან] მდებარე სამ არასაცხოვრებელ ფართობს ყიდის. არასაცხოვრებელი ფართობები ჯამში 232,5 კვ/მეტრია.
აჭარის ფინანსთა და ეკონომიკის სამინისტროს ქონების გაყიდვაზე აუქციონი გამოცხადებული აქვს. საწყისი გასაყიდი ფასი 255 ათასი ლარია, ბიჯი – 5 ათასი. ქონება პირობებით იყიდება.
აუქციონის პირობების მიხედვით, მყიდველმა:
[checklist]
- ხელშეკრულების გაფორმებიდან 1 თვის ვადაში, სამინისტროში შესათანხმებლად უნდა წარადგინოს საპროექტო ობიექტის ვიზუალური ესკიზი (ფასადის ხედი)
- ხელშეკრულების გაფორმებიდან 3 თვის ვადაში, უნდა დაიწყოს საზოგადოებრივი დანიშნულების ობიექტის შენობისთვის შესაბამისი სარემონტო სამუშაოები და არაუგვიანეს 18 თვის ვადაში უნდა დაასრულოს
- ხელშეკრულების გაფორმებიდან 24 თვის ვადაში, უნდა აამოქმედოს საზოგადოებრივი დანიშნულების ობიექტი და პროექტის ფარგლებში განახორციელოს 300 ათასი ლარის ინვესტიცია
- საზოგადოებრივი დანიშნულების ობიექტის ამოქმედებიდან 1 თვის ვადაში არანაკლებ 7 მოქალაქის დასაქმება
[/checklist]
ელექტრონული აუქციონი 2018 წლის 9 იანვარს დაიწყო და 23 იანვარს დასრულდება.
შენობა, სდაც აუქციონზე გატანილი ფართობებია განთავსებული / ბათუმი / ფოტო აუქციონის ვებგვერდიდან
