მთავარი,სიახლეები

საახალწლო ველომსვლელობა ბათუმში

29.12.2017 • 1770
საახალწლო ველომსვლელობა ბათუმში

დღეს, 29 დეკემბერს, ველომოყვარულები საახალწლოდ განათებული ველოსიპედებითა და საახალწლო კოსტიუმებით მსვლელობას მოაწყობენ.

„29 დეკემბერს, თვის და წლის ბოლო პარასკევს, ვიკრიბებით ტრადიციულად ანბანის კოშკთან“ – ნათქვამია Critical Mass Batumi-ს განცხადებაში, რომელიც ფეისბუქის მეშვეობით გავრცელდა.

„არ ვასწრებთ ერთმანეთს, არ ვიფანტებით და ყველანი გადავადგილდებით ერთად ჯგუფურად 10-15 კმ/ს-ით, ვჩერდებით გზაჯვარედინებზე და ველოდებით ერთმანეთს, რათა უკან არ ჩამოგვრჩეს არავინ, რათა ერთად ვიმოძრაოთ და სანახაობრივადაც ლამაზი გამოვიდეს.

ვიჭერთ მარჯვენა ზოლს, რათა გავატაროდ ავტომობილები მარცხენა ზოლიდან. მსვლელობა უნდა იყოს უსაფრთხო, რადგან ბევრი გამოუცდელი ველომოყვარულია, თავი დავიზღვიოთ ყველანაირი შემთხვევებისაგან. წვიმის შემთხვევაში არ დაგავიწყდეთ საწვიმარის წამოღება,“-ნათქვამია ორგანიზატორთა განცხადებაში.

მსვლელობა საღამოს რვა საათზე ანბანის კოშკიდან  დაიწყება და ევროპის მოედანზე დასრულდება.

გადაბეჭდვის წესი


ასევე: