2017 წელი რთული იყო მეხანძრეებისთვის. მხოლოდ ბათუმში რამდენიმე დიდი ხანძარი დაფიქსირდა. აქედან ყველაზე მასშტაბური და ტრაგიკული სასტუმრო „ლეოგრანდში“ მომხდარი ხანძარი იყო, რომლის დროსაც 11 ადამიანი დაიღუპა.
მეხანძრის პროფესია ერთ-ერთი საჭირო და სახიფათო პროფესიაა. მეხანძრე-მაშველები არიან ის ადამიანები, რომლებმაც მთელი წელი დაუღალავად იშრომეს და ამ ხნის მანძილზე არაერთი ადამიანის სიცოცხლე გადაარჩინეს.
აჭარაში მეხანძრე-მაშველის საშუალო ხელფასი დაახლოებით 500 ლარია.
როგორია ამ ადამიანების სამუშაო გარემო, მათი ისტორიები? – “ბათუმელებს” სურდა რეპორტაჟი მოემზადებინა მეხანძრეების ყოველდღიურობაზე, მაგრამ თავისუფალ რეჟიმში ინტერვიუების ჩაწერა ვერ მოხერხდა. მიზეზი – საგანგებო სიტუაციების მართვის სააგენტო შს სამინისტროს დაქვემდებარებაშია. ეს უწყება კი მხოლოდ იმ შემთხვევაში დაგვპირდა ინტერვიუების ჩაწერის უფლებას, თუ კითხვებს წინასწარ გავუგზავნიდით.
ინტერვიუს ამ ფორმატში ჩაწერაზე „ბათუმელებმა“ უარი განაცხადა.
აქვე გთავაზობთ ფოტორეპორტაჟს, რომლის გადაღების უფლებაც, ასევე წინასწარ, საგანგებოდ შერჩეულ მეხანძრე-მაშველებთან მოგვცეს.
ფოტორეპორტაჟი მომზადებულია საგანგებო სიტუაციების მართვის სააგენტოს ჩაქვის განყოფილებაში. ფოტოებზე იმ მეხანძრეების მხოლოდ ერთი ჯგუფია, ვინც ადამიანების გადასარჩენად ძალ-ღონეს არ იშურებს.
ასევე, გთავაზობთ ფოტოებს, რომლებიც ასახავს ხანძრის ჩაქრობის პროცესს სხვადასხვა დროსა და ადგილას.
მეხანძრე-მაშველები – ბესარიონ იოსებაშვილი და გიორგი ცინცაძე შსს-ს საგანგებო სიტუაციების მართვის სააგენტოს ჩაქვის განყოფილებაში.
ხანძარი ბათუმში, მელიქიშვილის ქუჩაზე
თამაზ მჟავანაძე და აბელ ჯაბნიძე
მერაბ დიასამიძე და მამუკა თურმანიძე
მეხანძრეები ხანძრის ლოკალიზებისას – მელიქიშვილის ქუჩა/ბათუმი
მეხანძრე ბათუმში, გენერალ აბაშიძის ქუჩაზე გაჩენილი ხანძრის ლოკალიზებისას.
