Batumelebi | 28 აპრილი – სამუშაო ადგილზე დაღუპულ მუშათა ხსოვნის დღე 28 აპრილი – სამუშაო ადგილზე დაღუპულ მუშათა ხსოვნის დღე – Batumelebi
RU | GE  

28 აპრილი – სამუშაო ადგილზე დაღუპულ მუშათა ხსოვნის დღე

 

28 აპრილი მუშაობისას დაღუპულ მუშათა ხსოვნის საერთაშორისო დღეა. ეს დღე 1989 წლიდან აღინიშნება, როცა აშშ-სა და კანადაში პროფკავშირებმა პატივი მიაგეს სამუშაო ადგილზე დაღუპული მუშების ხსოვნას. ვიკიპედიას ცნობით დაახლოებით ასამდე ქვეყანა აღნიშნავს ამ დღეს. 

 

ბოლო ექვსი წლის განმავლობაში საქართველოში მოქმედ საწარმოებში სამუშაო ადგილებზე მომხდარი უბედური შემთხვევების შედეგად 300-მდე ადამიანი დაიღუპა.  

 

აჭარის პროფესიული კავშირების აჭარის რესპუბლიკური გაერთიანების თავმჯდომარის, ილია ვერძაძის თქმით 2013 წელს მხოლოდ აჭარაში შრომის საფრთხოების ნორმების დარღვევის გამო 5 ადამიანი გარდაიცვალა და 32 დასახიჩრდა, 2014 წელს კი, უშუალოდ სამშენებლო სამუშაოების შესრულებისას 7 ადამიანი გარდაიცვალა და 15 მძიმედ დაშავდა. “არ გამოვრიცხავ, რომ ეს რიცხვები ბევრად მეტი იყოს, ვიდრე რეგისტრირებულია. იქ, სადაც პროფკავშირები არ არის და სადაც დახურული სისტემებია, იმისთვისაც კი ვერ შევაღწიეთ, რომ მუშებს დაველაპარაკოთ”, – განაცხადა მან „ბათუმელებთან“. 


 


ნეტგაზეთის მასალების სხვა გამოცემებში გადაბეჭდვის წესი
"ბათუმელები"