პოლონეთის ქალაქ ბიდგოშჩში გამართულ მსოფლიო 23-წლამდელთა ჩემპიონატზე ქართველმა ბერძნულ-რომაული სტილით მოჭიდავეებმა 1 ოქროს და 3 ვერცხლის მედალი მოიპოვეს.
მსოფლიო ჩემპიონი შმაგი ბოლქვაძე (66 კგ) გახდა. შმაგი ბოლქვაძემ გამარჯვება მსოფლიო ჩემპიონატის ფინალში რუსეთის სახელით მოასპარეზე ალენ მირზოიანთან მოიპოვა.
ჩემპიონატზე ვერცხლის მედლები მოიპოვეს: გელა ბოლქვაძემ (75 კგ), ლაშა გობაძემ (80 კგ) და ზვიად პატარიძემ (130 კგ).
საერთო გუნდურ ჩათვლაში საქართველოს ნაკრებმა 51 ქულით პირველი ადგილი დაიკავა, მეორეზე რუსეთი გავიდა 50 ქულით, მესამეზე – თურქეთი 42 ქულით.
ამავე თემაზე:
მთავარ ფოტოზე: შმაგი ბოქლვაძე, ფოტო: ჭიდაობის ეროვნული ფედერაცია
